Alaala ng Pag-ibig

"ALAALA NG PAG-IBIG"

Pag-ibig ko sayo sana ay malaman

At kung papalarin ako ay maghintay

Puso ko'y walang ibang nanaisin

Sa pag-ibig na ikaw lang ang nais.

Puso ko'y ikaw lamang ang nilalaman,

At kung pagbibigyan ako ay maghintay;

Tila isang bulaklak na bugkos-bugkos

Sa hardin ng pag-ibig ay humalimuyak.

Naalala ko noong unang pagkikita

May kaba sa dibdib na dumagondong;

Animo'y nakakita ng isang kaluluwa

Di nakapag salita, bibig ay tumikom.

Ano itong aking nararamdaman?

Puso ko'y nabihag mo na nga ba?

Parang upos sa kinatatayuan,

Na sayo tinamaan na ng tuluyan.

Oh pag-ibig! Na di na mapigilan

Singlakas ng lindol nitong aking puso

Mula ng mga mata nati'y nagtanto,

Hindi maipaliwanag ang tibok nito.

Ako'y di manhid, puso'y pumipiglas

Sayong pagtangi, ako'y sumasamo,

Sana sinabi mo, na ako din sinta

Sana sinabi mo, di ako umasa.

Hindi sana ako, nasaktan ng sobra

Sayong mga pangako at pagpapaasa,

Hindi nga't kay hapdi ng iyong nadulot

Sa aking damdaming ikaw lang ang nais.

Gusto kita at yun ang nadarama

Puso ko'y tinamaan sa iyo sinta,

Sayo lang naging gan'to ang bawat pahina

At tatanggapin ko kung saan ka sasaya.

Araw, Buwan at Taon na pala

Sayong pag-ibig hindi pa rin makalaya

Alam kong kay sakit na wala akong napala

Ngunit maghihintay kung kailan ka handa!

Gusto kita sana'y maramdaman mo

At kung papalarin tapat ako sayo,

Handa kang sabayan sa ikot ng mundo

Maging akin ka lang pagdating sa dulo.

Briones Aizel Marie L.

Bsed Filipino

4th year Block A